Author: एनआरएन
काठमाडौं। छनोट प्रतियोगितामा शानदार जितसहित नेपाल आगामी एसियन गेम्स पुगेको छ। सिंगापुरमा भएको छनोटअन्तर्गत पहिलो खेलमा पहिलो खेलमा चिनलाई २ सय २१ रनले हराएको नेपालले दोस्रो खेलमा बिहीबार मलेसियामाथी एक सय ६७ रनको जित हात पार्यो। यी दुवै खेलमा ओपनर कुशल भुर्तेलले सतक बनाए। उनी टी-२० अन्तर्राष्ट्रियका लगातार खेलमा सतक बनाउने पहिलो नेपाली ब्याटर हुन्। मलेसियाविरुद्ध नेपालले २ सय ७६ रनको लक्ष्य दिएको थियो। कुशलले ५४ बलमा १ सय २६ रन बनाए। मलेसिया १ सय ८ रनमा सिमित भयो। नेपालका शेर मल्लले तीन तथा करन केसी, सोमपाल कामी, सन्दीप लामिछाने , दीपेन्द्रसिंह ऐरी र कुशल मल्लले एक एक विकेट लिए।
काठमाडौं। चर्चित टिकटकर तथा तुल्सा कलेक्सनकी सन्चालक तुल्सा अधिकारी कारागार चलान भएकी छिन्। ललितपुर जिल्ला अदालतले बिहीबार तुल्सालाई मुद्धा पुर्पक्षका लागि थुनामा पठाउने आदेश गरेको हो। अधिकारीविरुद्ध झन्डै २१ करोड सम्पत्ती शुद्धिकरणको आरोप छ। उनीविरुद्ध एक व्यक्तीले आफुलाई बला्त्कार कसुरमा फसाई दिने भनेर झन्डै साढे ४ करोड रुपैयाँ लिएको आरोप पनि लगाएका थिए। प्रहरीले इन्टर पोलको सहयोगमा उनलाई थाइल्यान्डबाट पक्राउ गरेर नेपाल ल्याएको हो।
काठमाडौं। नेपालको एक मात्र डिटिएच टेलिभिजन तथा अग्रणी ईन्टरनेट सेवा प्रदायक कम्पनी डिशहोमले आगामी फिफा विश्वकप २०२६ लाई लक्षित गर्दै आफ्ना ग्राहकहरूका लागि विशेष सुविधा योजना सार्वजनिक गरेको छ । यस योजनामार्फत ग्राहकहरूले थप आकर्षक लाभसहित विश्वकपको रोमाञ्चक खेलहरू उच्च गुणस्तरमा हेर्न सक्नेछन् । डिशहोमले सार्वजनिक गरेको विशेष योजनाअनुसार डिटिएच कम्बो तथा आइपिटिभि कम्बो सेवाका ग्राहकहरूले आफ्नो ६ महिना वा १२ महिनाको कम्बो प्याकेज रिचार्ज गरी रु. ९९९ मा फिफा विश्वकप २०२६ सिजन पास खरिद गरेमा थप ३ महिनासम्मको निःशुल्क सदस्यता सुविधा प्राप्त गर्नेछन् । उक्त योजना २०२६ जुन १ देखि जुलाई २१ सम्म लागू रहने कम्पनीले जनाएको छ ।…
काठमाडौं। भारतको गोवामा जारी साफ महिला च्याम्पियनसिपमा नेपाल सेमिफाइनलबाटै बाहिरिएको छ। बुधबार भएको सेमिफाइनलमा साविक विजेता बंगलादेशले नेपाललाई २-१ गोलले हरायो। नेपाल यसअघि साफ च्याम्पियनसिपका हालसम्म आयोजना भएका सबै ७ संस्करणमध्ये ६ वटामा फाइनल पुगेको थियो। सेमिफाइनलबाट बाहिरिएको केवल दोस्रोपटक हो। पछिल्ला लगातार दुईवटा फाइनलमा बंगलादेशले नै नेपाललाई हराएको थियो, दशरथ रंगशालामा। बुधबार सुरुवाती अग्रता लिएपनि नेपालले जोगाउन सकेन। पहिलो हाफमा गिता रानाले नेपालका लागि गोल गरेकी थिइन्। दोस्रो हाफमा रितुपोर्ण चक्माले कर्नरबाट सिधै गोल गर्दै खेल बराबरीमा ल्याइन्। इन्जुरी समयमा बंगलादेशले विजयी गोल गरेको थियो।
काठमाडौं। भारत र नेपालबीचको सिमा विवादमा बेलायतलाई संलग्न गराउनुपर्ने आफ्नो अभिव्यक्तीका कारण प्रधानमन्त्री बालेन्द्र शाह बालेन अप्ठेरोमा परेका छन्। भारतले बालेनको उक्त भनाईको कडा प्रतिवाद गरेको छ। दुई देशबीचको विवादमा तेस्रो पक्षको भूमिका आवश्यक नरहेको भारतले स्पष्ट पारेको छ। बालेनले जेठ १७ गते संसदमा सांसदहरुको प्रश्नको जवाफ दिँदै भारतले मिचेको लिपुलेक,लिम्पियाधुरा र कालपानी फिर्ता ल्याउने सम्बन्धमा उक्त जवाफ दिएका थिए। भारतले उक्त भूभागमा कुनै समस्या नरहेको दावी गर्दै आएको छ। पहिलोपटक संसदमा आएर बोलेका प्रधानमन्त्री बालेन यतिबेला विवादमा छन्। उनले संसदमा बोलेको ‘नेपालले पनि भारतको भूभाग मिचेको रहेछ’ अभिव्यक्तीलाई लिएर उनले माफी माग्नु पर्ने भन्दै विपक्षीहरुले संसदमा अवरोध गरिरहेका छन्।
काठमाडौं। रोयल च्यालेन्जर्स बैंगलोर-आरसिबीले इन्डियन प्रिमियर लिग-आईपीएल क्रिकेटको उपाधि जितेको छ। आरसिबीले आइतबार राती भएको फाइनलमा गुजरात टाइटन्सलाई ५ विकेटले हरायो। आरसिबीले पहिला ब्याटिङ गरेको गुजरातलाई एक सय ५५ रनमा सिमित गरेको थियो। आरसिबीले १८ ओभरमा ५ विकेट गुमाएर लक्ष्य भेट्टायो। आरसिबीका विराट कोहलीले ७५ रन बनाएका थिए। अघिल्लो सिजन पनि आरसिबीले यो प्रतियोगिता जितेको थियो।
काठमाडौं। फ्रान्सको पेरिस सेन्ट जर्मन-पीएसजीले युरोपियन च्याम्पियन्स लिगको उपाधि जितेको छ। फाइनलमा शनिबार राती इङ्ल्यान्डको आर्सनललाई टाइब्रेकरमा ४-३ गोलले पराजित गर्दै उपाधि रक्षा गर्यो। अघिल्लो सिजन पीएसजीले इतिहासमै पहिलोपटक यो प्रतियोगिता जितेको थियो। निर्धारित र अतिरिक्त समयको खेल १-१ गोलको बराबरीमा सकिएपछि नतिजा टाइब्रेकरबाट इएको थियो। छैटौँँ मिनेटमा काई हाभार्ट्जको उत्कृष्ट गोलमा अग्रता लिएको आर्सनलले ६५ औँ मिनेटमा पेनाल्टीमार्फत गोल ब्यहोरेको थियो। पीएसजीका डेम्बेलेले गोल गरेका थिए।
काठमाडौं। सरकारले निजि विधालय र निजि अस्पतालमा ३ प्रतिशत अतिरिक्त कर लगाउने भएको छ। निजी क्षेत्रबाट सञ्चालित शिक्षण संस्थाले विद्यार्थीबाट असुल गर्ने सबै प्रकारका शुल्कमा ३ प्रतिशतका दरले ‘शिक्षा समता शुल्क’ तिर्नुपर्ने भएको छ। निजी क्षेत्रबाट सञ्चालित विश्वविद्यालय, महाविद्यालय, विद्यालय, प्राविधिक शिक्षालय लगायत शिक्षा प्रदान निकायलाई यो कर लागु हुने छ। यस्तै ‘स्वास्थ्य समता शुल्क’ लागू गर्दै निजी अस्पताल तथा स्वास्थ्य सेवा प्रदायकले बिरामीबाट असुल गर्ने सबै प्रकारका सेवा शुल्कमा ३ प्रतिशत अतिरिक्त शुल्क लगाउने व्यवस्था गरिएको छ। सरकारले विद्युत् उपभोगमा पनि नयाँ कर व्यवस्था गरेको छ। ५० युनिटभन्दा बढी विद्युत् उपभोग गर्ने उपभोक्तालाई ५ प्रतिशत मूल्य अभिवृद्धि कर लाग्ने…
काठमाडौं। बालेन सरकारले आगामी आर्थिक वर्षका लागि शिक्षा क्षेत्रमा रु२ खर्ब १८ अर्ब र खेलकुदमा ४ अर्ब बजेट विनियोजन गरेको छ। संघीय संसद्को संयुक्त बैठकमा शुक्रबार वार्षिक बजेट प्रस्तुत गर्दै अर्थमन्त्री डा. स्वर्णिम वाग्लेले उक्त घोषणा गरे। सरकारले गुणस्तरीय शिक्षाको प्रवर्द्धनका लागि देशभरका सामुदायिक विद्यालयहरूको पूर्वाधार आवश्यकता पहिचान गर्न १ अर्ब विनियोजन गरेको जनाएको छ । त्यस्तै, सुदूरपश्चिम प्रदेशको गेटास्थित शहीद दशरथ चन्द स्वास्थ्य विज्ञान विश्वविद्यालयमा शैक्षिक सत्र २०८३/०८४ देखि एमबिबिएसलगायत चिकित्सा शिक्षाका चार कार्यक्रम सञ्चालन गरिने घोषणा गरिएको छ । विद्यालय तहदेखि उच्च शिक्षासम्म लक्षित छात्रवृत्ति कार्यक्रमका लागि रु ८ अर्ब ६० करोड छुट्याइएको छ । संगीत, कला तथा…
काठमाडौं। आगामी आर्थिक वर्षका लागि बालेन सरकारले ल्याएको अनुमानित बजेटले जागिरेलाई खुसीयाली दिएको छ। सरकारले व्यक्तिगत आयकरतर्फ व्यापक हेरफेर गरेको छ। अब वार्षिक १० लाख रुपैयाँसम्म आय गर्नेले एक प्रतिशत मात्र कर तिर्नुपर्ने छ। यसअघि यो सिमा ६ लाख रुपैयाँ थियो। १० देखि १५ लाखसम्म आय गर्नेले १० प्रतिशत आयकर बुझाउनुपर्ने छ। १५ देखि २५ लाख रुपैयाँसम्म आय गर्नेले २० प्रतिशत कर तिर्नुपर्ने छ। २५ देखि ४० लाख रुपैयाँसम्म आय हुनेले २७ प्रतिशत र त्यसभन्दा जति आय भएपनि २९ प्रतिशत व्यक्तिगत आय कर तिर्नुपर्ने छ। यसअघि ६ देखि ८ लाख रुपैयाँसम्म आय हुनेले १० प्रतिशत, ८ देखि ११ लाखसम्म आय…