काठमाडौं। पूर्व विश्व विजेता स्पेन जारी विश्वकपको फाइनलमा पुगेको छ। स्पेनले बुधबार बिहान सम्पन्न सेमिफाइनलमा फ्रान्सलाई २-० गोलले हरायो। स्पेनको जितमा मिकेल ओयारजबल र पेड्रो पोर्रोले गोल गरे। ओयारजबलले २२ औँ मिनेटमा र पोर्रोले ५८ औँ मिनेटमा गोल गरेका थिए।
स्पेनले उपाधिका लागि अब इङ्ल्यान्ड र अर्जेन्टिनाबीच हुने दोस्रो सेमिफाइनलको विजेतासँग प्रतिस्पर्धा गर्ने छ। स्पेन यसअघि अन्तिमपटक सन् २०१० मा फाइनल पुगेर विश्व विजेता पनि बनेको थियो। उसले दुई वर्षअघि युरो कप जितेको थियो। यो हारपछि फ्रान्स लगातार तेस्रोपटक फाइनल पुग्न असफल भएको छ।
