Author: एनआरएन
काठमाडौं। कुनै समयका विश्व चर्चित फुटबलर रोर्बटो कार्लोस नेपाल आईपुगेका छन्। कार्लोस मंगलबार बिहान काठमाडौं उत्रिएका हुन्। नेपाल सुपर लिग-एनएसएलको निमन्त्रणामा ब्राजिलियन कार्लोस नेपाल आउने पक्का भएको थियो। केही समय अघि केपी ओली कप फुटबलमा विश्व चर्चित जियाँनलुइगी बुफोन नेपाल आएका थिए। केपी ओली कप आयोजकले बुफोनलाई नेपाल ल्याएको थियो। फ्रेन्चाइज फर्म्याटको नेपाल सुपर लिगको दोस्रो क्वालिफायरमा बुधबार धनगढी एफसी र पोखरा थन्डर्स भिड्दैछन्। पहिलो क्वालिफायरमा धनगढीलाई हराउँदै ललितपुर सिटी फाइनल पुगिसकेको छ।
काठमाडौं। प्रधानमन्त्री केपी शर्मा ओलीको निर्देशनपछि कक्षा १२ को परिक्षा स्थगित भएको छ। राष्ट्रिय परिक्षा बोर्डले मंगलबार साँझ दुई दिनपछि सुरु हुने परिक्षा स्थगित गर्ने निर्णय गरेको हो। उक्त परिक्षा बैशाख ११ गतेबाट सुरु हुँदै थियो। अब यो परिक्षाका लागि अर्को मिती बैशाख २१ गते तोकिएको छ। सरकारी शिक्षकहरुको काठमाडौं केन्द्रित आन्दोलन बाबजुत बोर्डले परिक्षा स्थगित नगर्ने निर्णय मंगलबार बिहान मात्र गरेको थियो। आन्दोलनरत देशभरका शिक्षकहरुले आफ्ना मागहरु पुरा नभएसम्म काठमाडौं नछाड्ने अडान लिइरहेका छन्। सोमबार मात्र शिक्षामन्त्री विद्या भट्टराईले राजिनामा दिएकी थिइन्।
काठमाडौं। शिक्षा मन्त्री विद्या भट्टराईले राजिनामा दिएकी छिन्। सोमबार मन्त्री भट्टराईले प्रधानमन्त्री केपी शर्मा ओलीलाई राजिनामा बुझाएकी हुन्। देशभरका सरकारी शिक्षकले काठमाडौं केन्द्रित आन्दोलन र शैक्षिक हड्ताल चर्काइरहेका बेला शिक्षामन्त्री विद्या भट्टराईले राजिनामा दिएकी छिन्। शिक्षकहरु २० दिनदेखि काठमाडौंमा आन्दोलनरत छन्। दैनिक १२ बजेदेखि ३ बजेसम्म माइतिघरदेखि नयाँ बानेश्वरसम्म उनिहरु हजारौँको संख्यामा उत्रिएर प्रदर्शन गर्ने गरेका छन्।
काठमाडौं– राजसंस्था पुर्नवहालीको एजेन्डा बोकेर आइतबार नयाँ बानेश्वरस्थित निषेधित क्षेत्र तोड्ने घोषणा गरेको राप्रपाका शीर्षस्थ नेताहरु पक्राउ परेका छन्। प्रहरीले पार्टी अध्यक्ष राजेन्द्र लिङदेन, सांसद ज्ञानेन्द्र शाहीलगायतलाई पक्राउ गरेको छ।संसदीय दलको कार्यलयबाट बाहिर निस्कँदै गर्दा प्रदर्शन गरेको भन्दै उनिहरुलाई प्रहरीले पक्राउ गरेको हो। लिङदेनसहितका नेताहरु नयाँ बानेश्वरतर्फ अगाडी बढ्ने तरखरमा थिए।उता नयाँ बानेश्वरमा राप्रपा समर्थकको भिडले पार्टी नेताहरुलाई पर्खिरहेको थियो। चैत १५ गतेको आन्दोलनमा पक्राउ परेका पार्टीका नेताहरुलाई रिहा गर्नुपर्नेलगायत माग राखेर राप्रपाका नेताहरु आइतबार अघोषित रुपमा गिरफ्तार दिन तयार देखिएका थिए। साँझ प्रहरीले लिङ्देनलगायत नियन्त्रणमा लिइएका सबैलाई रिहा गरेको छ।
काठमाडौं। वर्षा वाधक बनेपछि आगामी वर्ष आयोजना हुने आईसिसी यू-१९ विश्वकप क्रिकेट खेल्ने नेपालको सपना चकनाचुर भएको छ। घरेलु मैदानमा भइरहेको एसियाली छनोटको आफ्नो अन्तिम खेलमा खेल रद्ध भएर अफगानिस्तानसँग अंक बाँढेपछि नेपाल अगाडि बढ्न सकेन। अफगानिस्तानसँग समान अंक भएपनि नेपाल नेटरनरेटका आधारमा दोस्रो स्थानमा रहेर विश्वकप पुग्न नसकेको हो। ५ टोली सहभागी रहेको एसियाली छनोटबाट एक टोली मात्र विश्वकप पुग्ने प्रावधान थियो। अफगानिस्तान र नेपाल दुवैले जारी छनोटका आफ्ना अघिल्ला सबै तीन खेल जितेका थिए। नेपालले हालसम्म ८ पटक आईससिसी यू-१९ विश्वकप खेलेको छ। शनिबार मुलपानी क्रिकेट मैदानमा हुने भनिएको नेपाल र अफगानिस्तानबीचको खेल दिउँसो २ बजे रद्ध भएको…
काठमाडौं । तपाई हामी सबैलाई थाहा नै छ, नेपालले अहिले घरेलु मैदानमा आईसिसी यू-१९ विश्वकपको एसियाली छनोट खेलिरहेको छ र सुरुका लगातार तीन खेल जितेको छ। तर शनिबार हुने अन्तिम खेलमा अफगानिस्तानलाई हराउन नसके यी जितहरुको कुनै अर्थ हुने छैन। अफगानिस्तानलाई हराउन सके मात्र नेपालले यो प्रतियोगिता खेल्नुको लक्ष्य पुरा गर्ने छ र विश्वकप पुग्ने छ। यो प्रतियोगिताबाट एक टोली मात्र विश्वकप पुग्ने भएकाले नेपालले त्यतिबेला मात्र यो सफलता हात पार्ने छ जब अफगानिस्तानलाई हराउने छ। अफगानिस्तानलाई हराएमा मात्र नेपालले विश्वकपमा स्थान बनाउछ भनेर यो प्रतियोगिता अघि नै अनुमान र विश्लेषण भएको कुरा हो। अन्तिम खेलमा नेपाल र अफगानिस्तान भिड्नु…
काठमाडौं। गएको चैत २६ गते एक महिला आफ्नो इसेवाबाट ९ हजार रुपैयाँ चोरी भएको भन्दै अत्तालिँदै काठमाडौं उपत्यका अपराध अनुसन्धान कार्यालय पुग्छिन्। प्रहरीले घटनाबारे ती महिलासँग प्रारम्भिक जानकारी लिन्छ। इसेवाबाट पैसा चोरि हुनुभन्दा अगाडि महिलाले आफ्नो मोबाइलमा के के गरेकी थिइन्, प्रहरीलाई सविस्तार लगाउँछिन्। काठमाडौं उपत्यका अपराध अनुसन्धान कार्यालयको साइबर अपराध हेर्ने पिलरले ती महिलालाई घर पठाउँदै सुक्ष्मरुपमा अनुसन्धान अगाडि बढाउँछ। एक साता पनि वित्न नपाउँदै प्रहरीको अनुसन्धान सुई एक युवकसम्म पुग्छ। तर जब युवक अनि कारोबारबारे बुझ्न थाल्छ, प्रहरी छक्क पर्छ। उनको नाममा दर्ता रहेको एक कम्पनीको बैंक र इसेवा मर्चेन्ट खातामा अप्रिल १ देखि १३ तारिखसम्म अर्थात १३…
काठमाडौं। भारतबाट पक्राउ गरि ल्याइएका दुर्गा प्रसाईलाई काठमाडौं जिल्ला अदालतले १२ दिन थुनामा राखेर अनुसन्धान गर्न अनुमती दिएको छ। काठमाडौं प्रहरी परिसरको टोलीले शुक्रबार प्रसाईलाई जिल्ला अदालत उपस्थित गराएको थियो। प्रसाईविरुद्ध आपराधिक उपद्रव, संगठित अपराधलगायत कसुरमा म्याद लिएर अनुसन्धान सुरु भएको हो। प्रसाईलाई भारतीय प्रहरीको सहयोगमा बिहीबार भारतको आसामबाट नियन्त्रणमा लिइएको थियो। शुक्रबार बिहान झापा ल्याइपुर्याइएका उनलाई भद्रपुरबाट विमानमार्फत काठमाडौं ल्याइएको थियो। गत चैत १५ गते काठमाडौंको तीनकुनेमा भएको राजावादी प्रदर्शन हिंस्रक र अराजक बनेपछि त्यसका आयोजक प्रसाई भागेका थिए। उनी भागेको करिब दुई सातापछि पक्राउ परेका हुन्। यसबीचमा उनले दुईपटक सामाजिक सन्जालमा भिडियो राखेर आफु नेपालमै रहेको दावी गरेका…
काठमाडौं। राष्ट्रिय प्रजातन्त्र पार्टीले काठमाडौंको बल्खुमा मंगलबार शान्तिपूर्ण प्रदर्शन गर्यो। राजसंस्था पुनर्वहालीको एजेन्डा बोकेको राप्रपाको यो कार्यक्रम चैत १५ मा दुर्गा प्रसाई समूहले गरेको कार्यक्रम विवादित बनेका कारण चासोपूर्वक हेरिएको थियो। तथा राप्रपा अध्यक्ष राजेन्द्र लिङ्देन, सांसद ज्ञानेन्द्रबहादुर शाहीलगायतले कार्यक्रमलाई भव्य, संयमित र अनुशासित बनाए। कार्यक्रमबीच राप्रपाका कार्यकर्ताले सडक पनि सफा गरेका थिए।
काठमाडौं। काठमाडौंको तीनकुनेमा चैत १५ गते भएको राजावादी प्रदर्शनका क्रममा भएको अराजक गतिविधिमा संलग्नहरुको खोजी प्रहरीले गरिरहेको छ। तोडफोड, आगजनी र लुटपाटमा संलग्नहरुलाई प्रहरीले पछ्याइरहेको छ। यसैक्रममा सोमबार केहीलाई पक्राउ गरेको छ जसमा त्यस दिन जलाइएको घरभित्र देखिएकी युवती पनि छिन्। आफुलाई राजावादी भन्ने पूर्व पत्रकार एनी कुँवरलाई प्रहरीले पक्राउ गरेको हो। उनले जलिरहेको घरबाट बाहिर निस्किएर लाइभ गर्दै उद्धार गर्न अपिल पनि गरेकी थिइन्।