Author: एनआरएन
काठमाडौं। तिब्बतको लेन्दे खोलामा आएको बाढीले चीनसँगको प्रमुख नाका रसुवागढीबाट अझै २० जना हराइरहेका छन् भने ५ जनाको शव भेटिएको छ। लेन्दे खोला नेपालमा आएर मिसिएपछि त्यो भोटोकोशी बन्छ। भोटेकोशीमाथी, नेपाल र तिब्बतलाई जोड्ने मितेरी पुल बगाएको छ। भोटेकोशी किनारमा रहेका संरचनाहरुमा नराम्रोसँग क्षति पुगेको छ भने सडकहरु पनि भत्किएका छन्।
काठमाडौं। प्रहरीले स्रोत नखुलेको आरोपमा झन्डै डेढ करोड रुपैयाँसहित एक चिनियाँ नागरिकलाई पक्राउ गरेको छ। काठमाडौंको बौद्धबाट ४० चिनियाँ नागरिक वाङ जियानलाई पक्राउ गरेको हो। जियानको साथबाट एक करोड ४४ लाख रुपैयाँ नगद बरामद भएको प्रहरीले जनाएको छ। उनी दुई महिनादेखि नेपालमा बसिरहेको बताइएको छ। उनी बुद्ध चित्त मालाका कारोबारी भएको प्रारम्भिक अनुसन्धानबाट खुलेको छ। उनले त्यत्रो रकम कसरी जम्मा गरे भन्नेबारे प्रहरीले अनुसन्धान गरिरहेको छ।
काठमाडौं। प्रहरीले झापामा गोली हानी लागु औषध कारोबारी नियन्त्रणमा लिएको छ। भद्रपुर नगरपालिका-८ स्थित हुलाकी लोकमार्गमा प्रहरीले चेकजाँच गर्नेक्रममा भाग्न खोज्दा नियन्त्रणमा लिन ६ राउन्ड हवाई फायर गरेको जिल्ला प्रहरी कार्यालय झापाले जनाएको छ। लागु औषध नियन्त्रण ब्युरो र इलाका प्रहरी कार्यालय काकरभिट्टाबाट खटिएको संयुक्त टोलीले विशेष सूचनाका आधारमा कारोबारीको खोजिमा निस्किएको थियो। पक्राउ पर्नेमा भारतको बिहारका ३५ वर्षीय मनिसुर आलम र झापाको कचनकवलका ५५ वर्षीय नशरुदिन मियाँ छन्। नशरुदिनको पिड्युलामा गोली लागेको छ। प्रहरीका अनुसार आलमको साथबाट एक सय ३ ग्राम ७० मिलिग्राम र मियाँको साथबाट एक सय २ ग्राम १० मिलिग्राम ब्राउन सुगर बरामद भएको छ।
काठमाडौं। भोटेकोशीमा अचानक बढेको पानीको बहावले रसुवास्थित नेपाल–चीन जोड्ने मितेरी पुल बगाएको छ । चीनतर्फ आएको बाढीले नेपालका नदिनालामा पानीको बहाव बढेपछि क्षति पुगेको हो। पुल बगाएपछि नेपाल चीन सम्पर्क विच्छेद भएको छ । बाढीले भन्सार कार्यालयमा क्षति पुुर्याएको छ। भन्सार जाँचपासका लागि राखिएका गाडीहरुमा बगाएको प्रशासनले जनाएको छ। सुरक्षा अधिकारीका अनुसार बिहान तीन बजेतिर भोटेकोशीमा अचानक बाढी आएको थियो । मानवीय क्षतिको विवरण भने आइसकेको छैन।
काठमाडौं। नेपाल र उज्वेकिस्तानबीच शनिबार राती भएको खेल र त्यसको नतिजा विर्सन तपाईलाई पक्कै गाह्रो भइरहेको हुनुपर्छ। नेपालले यो खेल जित्ने छ र महिला एसियन कपमा स्थान बनाउने छ। धेरैको यस्तै आशा थियो। तर नेपालले खेल सुरु भएको दुई मिनेट पनि वित्न नपाउँदै गोल व्यहोर्यो। ११ मिनेटमै उज्वेकिस्तानले दोस्रो गोल थप्यो। नेपालले अब जित्ला भन्ने आशा मर्यो। तर नेपालले यसरी पुनरामगन गर्यो की उज्वेकिस्तानले दुईपटक २ गोलको अग्रता लिएर पनि नेपाल बराबरीमा पुगेको थियो। निर्धारित ९० मिनेटको खेलपछि सिधै टाइब्रेकर गरियो। नेपालको पहिलो प्रहार नै मिस भयो। नेपालकी गोलकिपर अन्जना रानामगरविरुद्ध उज्वेकिस्तानले सुरुका लगातार ४ प्रहार गोलमा परिणत गरेको थियो।…
काठमाडौं। मध्यरात सवा एक बजे। जिल्ला प्रहरी कार्यालय भोजपुरको कन्ट्रोल रुममा रिङ बज्छ। फोन उठाउँदा उताबाट बोलेको सुनिन्छ- मैले चार जनालाई छुरी हानेर आएको छु मलाई पक्राउ गर्न आउनु। मध्य निन्द्राको समय, अनि त्यस्तो फोन। प्रहरी एकछिन अक्कनबक्क पर्छन्। कसैले जाँड खाएर दुख दिन पो फोन गरेको हो की, प्रहरीले आशंका गरेपनि ढुक्क हुन सक्दैन। कन्ट्रोलले नजिकैको प्रहरी कार्यालयलाई खबर गर्छ। अस्थायी प्रहरी कार्यालय ओख्रेको टोली तत्कालै मुभ हुन्छ। लगभग १५ मिनेटपछि हुर्बु भन्जाङमा एक युवक पेटमा छुरा हानिएको अवस्थामा सख्त घाइते भेटिन्छन्। प्रहरीलाई फोन गर्ने युवक तीनै भएको यकिन हुन्छ। त्यसपछि ती युवकले छुरा हानेको भनेको ठाउँतर्फ प्रहरी मुभ…
काठमाडौं। भोजपुरको रामप्रसाद राई गाउँपालिकामा एक व्यक्तीले ससुरालीका ४ जनाको हत्या गरेका छन्। रामप्रसाद राई-२ धोद्लेखानीमा एकै घरका ६८ वर्षीय बेलबहादुर गिरी, उनकी श्रीमती ४५ वर्षीया मञ्जु गिरी, १६ वर्षीया छोरी मनिषा गिरी र ९ वर्षीय छोरा सपन गिरीको हत्या भएको छ। ज्वाइँ राजेन्द्र राईले सबै ४ जनाको हत्या गरेँ भन्दै प्रहरी कन्ट्रोलमा मध्यरात खबर गरेका थिए। त्यसपछि प्रहरीले राजेन्द्रले बोलाएको ठाउँमा पुग्दा उनी गम्भिर घाइते अवस्थामा भेटिएका थिए। राजेन्द्रले एक वर्ष अघि मनिषालाई भगाएर विवाह गरेका थिए। तर केही समय अघि मन्जुले मनिषालाई भोजपुर नगरपालिका पुगेर घर ल्याएकी थिइन्। त्यसपछि राजेन्द्र श्रीमतीलाई लिन ४/५ दिन अगाडि आइपुगेका…
काठमाडौं। नेपाल आगामी वर्ष अस्ट्रेलियामा आयोजना हुने एएफसी महिला एसियन कप फुटबलमा छनोट हुन असफल भएको छ। शनिबार राती उज्वेकिस्तानसँग पराजित भएपछि नेपाली महिला फुटबलको सपना अधुरै बन्यो। निर्धारित समयको खेल ३-३ गोलको बराबरीमा सकिएपछि हार जितको नतिजाटाइब्रेकरबाट लिइएको हो। टाइब्रेकरमा नेपालका सावित्रा भण्डारी र अन्जना रानामगर चुके। उज्वेकिस्तानले सुरुका ४ वटा प्रहार गोलमा परिणत गरेको थियो। अन्जन मिस भएपछि उज्वेकिस्तानले अन्तिम प्रहार गर्नै परेन। त्यसअघि निर्धारित समयमा उज्वेकिस्तानले दुईपटक २ गोलको अन्तरले अग्रता लिएपनि जोगाउन सकेको थिएन। नेपालकी साम्बाले ह्याट्रिक गरिन्। उज्वेकिस्तानले दोस्रो र ११ औँ मिनेटमा गोल गर्दै २-० गोलको अग्रता लिएको थियो। साम्बाले २४ औँ मिनेटमा पहिलो…
काठमाडौं। नेपालले एएफसी महिला एसियन कपको छनोटअन्तर्गत अन्तिम खेलमा शनिबार घरेलु टोली उज्वेकिस्तानसँग खेल्दै छ। यो खेलको नतिजा सामान्य जित हारमा मात्र सिमित हुने छैन। एउटा जितले नेपाली महिला फुटबलमा ठुलो अर्थ राख्ने छ। सावित्रा भण्डारी, प्रिति राई, रेखा पौडेलसहित महिला राष्ट्रिय फुटबल टोलीमा रहेका सबै खेलाडिले ठुलो उपलब्धी हासिल गर्ने छन्। विश्व फुटबल महासंघ-फिफाको वरियताक्रममा उज्वेकिस्तान ५१ र नेपाल एक सयौँ स्थानमा रहेका टोली हुन्। अर्थात वरियताक्रमलाई हेर्ने हो भने उज्वेकिस्तान नेपालभन्दा बलियो टोली देखिन्छ। उज्वेकिस्तान सेन्ट्रल एसियन फुटबल एसोसिएसन अर्थात काफाको हालसम्म दुईपटक महिला च्याम्पियनसिप भएकामा दुवैपटक उज्वेकिस्तानले उपाधि जितेको छ। सन् २०१८ देखि सुरु भएको यो प्रतियोगिता…
काठमाडौं। नेपाल र श्रीलंकाबीच बुधबार भएको खेल हेर्नु नै भयो होला। यदी छुटाउनु भयो भने नतिजा त पक्कै सुन्नु भयो होला। नेपाली चेलीहरुले ८ गोल गरे। साम्बाले फेरी ह्याट्रिक गरिन्। नेपालले फेरी फराकिलो जित हात पार्यो, एक गोल नखाई। पहिलो खेलमा नेपालले लाओसविरुद्ध ९ गोल गरेको थियो विपक्षीलाई एक गोल पनि गर्न नदिकन। तर यी नतिजा र गोलहरुको कुनै अर्थ हुने छैन यदि नेपालले अब समूहको अन्तिम खेलमा उज्वेकिस्तानसँग हार्यो भने। नेपालले घरेलु टोली उज्वेकिस्तानसँग शनिबार साँझ प्रतिस्पर्धा गर्दै छ। यो खेल जसले जित्छ, त्यही टोली आगामी वर्ष अस्ट्रेलियामा आयोजना हुने एसियन कप पुग्ने छ। एसियन कप खेल्ने १२ मध्ये…
